 |
|
|
#1
04-15-2010, 09:56 AM
|
||||
|
||||
تسهيل فيزة الطلاب إلى فرنسا
إتفاقية لتسهيل دخول طلابنا إلى فرنسا  وتأتي هذه الاتفاقية في اطار ماتم الاتفاق عليه بين حكومتي البلدين في مجال التعليم العالي حيث تقدم السفارة الفرنسية بدمشق بموجب هذه الاتفاقية التسهيلات اللازمة في منح تأشيرات الدخول والتواصل مع الجامعات الفرنسية،كما تعمل وزارة التعليم بالتنسيق مع المركز الوطني للاعمال الجامعية والطلابية"كنوس"على وضع برنامج تنفيذي لتأهيل الطلاب السوريين الموفدين والمعيدين في الجامعات الفرنسية يشار إلى أن فرنسا تعتبر في مقدمة الدول التي يدرس فيها الطلاب السوريين حيث بلغ عددهم في مرحلة الدراسات العليا 1118 منهم 848معيداً و270طالب بعثات علمية syriandays
__________________
باسمك نحيا يا ربنا والحبيب إمامنا باسمك نحيا دنيا ودين نصير رحمة في العالمين يامن إذا دعوناه وجدناه قريب نسألك يا الله يا ملاذ كل غريب أن ترزقنا الحياة على خطى الحبيب
|
|
#2
04-22-2010, 01:51 PM
|
|||
|
|||
ان شاء الله
إن شاء الله
بس لما قابلنا الخبراء بحمص من كم يوم أل بدون B2 .... وين التسهيل ؟؟؟ الكل بيعرف إنو شبه مستحيل للطالب بسوريا يجيب هيك مستوى ... عم يعيدو السنه ولسا يادوب يوصلو 350 ... وإذا الجامعه بفرنسا ... قبلت B1 من هون م بيسمحولو يسافر؟؟ وفي عندي أكتر من زميل ... معو قبول اللغه من فرنسا بس المشكله من هون ...أل بدون 350 ؟؟ بالضبط و348 م بيصير؟ وكلو كوم ... وإنو بمحافظه بيسافر أكتر من معيد علامتو بالTCF أقل من 350 بنفس الوقت بمحافظه تانيه م بيسمحولو لزميلو يسافر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟كوم ليش مو نفس الامتحان عم يخضع إلو الكل ؟؟؟؟؟؟؟؟؟؟؟؟؟؟؟؟؟؟؟؟؟؟ ليش بمحافظه بيصير والتانيه لا ؟؟؟؟؟؟؟؟؟؟؟؟؟؟؟؟؟؟؟؟؟ م بيكفي الامتحان م عم يقيس اللغه .. وصاير شكلو اختبار سرعه واختبار ثقافه و حظ وتشليف ...... وخريجي الأدب الفرنسي نفسون م عم يجيبو الB2 .. إلا بصعوبه !!! بشكرك أخ البروفيسور ... يعطيك العافيه
__________________
مــــا أروع أن تكون انسـان ......
|
|
#3
04-26-2010, 11:53 AM
|
|||
|
|||
زميلة براءة
انا بتمنى انو يصير مستوى اللغة المطلوب متوافق مع وضع المحافظة اللي موجود فيها الطالب و بخص بالذكر المحافظات النائية واللي هية يمكن تكون كل سوريا ما عدا دمشق لانو حتى بحلب مافي هالمستوى الموجود بالشام و بجد بزعل على الطلاب اللي بدير الزور او حتى حمص (معلش لا تزعلي) لانو عم يضطروا يجو عالشام او حلب و مع هيك الموضوع عم يضل صعب. بس على فكرة بعتقد انو كل ما كان مستوى اللغة قبل السفر يعني هون احسن كلما كان الوضع افضل لانو الواحد بيختصر وقت و جهد بس كمان مو كل الطلاب عايشة بدمشق. انا عملت فحص الديلف و لقيتو اقوى من الـtcf يعني بقيس القدرة بشكل افضل بس بالمقابل Tcf بيضل اسهل نوعا ما و اقل استهلاك للأعصاب. بتمنى التوفيق للجميع و أنا جاهز لأي مساعدة باللغة.
|
|
#4
04-26-2010, 02:37 PM
|
|||
|
|||
|
نفس الامتحان عم يخضع الو الكل ؟؟ وين العدل ؟؟
زميل نصر
انا بتمنى انو يصير مستوى اللغة المطلوب متوافق مع وضع المحافظة اللي موجود فيها الطالب و بخص بالذكر المحافظات النائية واللي هية يمكن تكون كل سوريا ما عدا دمشق لانو حتى بحلب مافي هالمستوى الموجود بالشام و بجد بزعل على الطلاب اللي بدير الزور او حتى حمص (معلش لا تزعلي) لانو عم يضطروا يجو عالشام او حلب و مع هيك الموضوع عم يضل صعب. كيف يعني متوافق مع وضع المحافظه ؟؟؟؟؟؟؟؟؟؟؟ يعني اذا طالب الشام اخد بالtcf علامة 310 بيكون مستواه افضل من طالب بدير الزور اخد علامة 311 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لا زميل نصر ...... هاد الحكي بيكون وقت بيختلف الامتحان من محافظه لمحافظه ؟؟؟ يعني وقتا ممكن نقول انو التعليم بمحافظه ما مو منيح والامتحان اللي واضعتو مو قادر ع قياس المستوى ... بس لمن بيكون نفس الامتحان ع الكل ؟؟؟؟؟؟ وين الفكره انو طالب الشام معلي 310 وطالب من محافظه تانيه لا ؟؟؟؟ شو دخلا المحافظه النائيه بالموضوع؟؟؟ مو طلعو بيفهمو بالفرنسي متل بعض ؟؟؟؟؟؟؟؟ وبالنسبه للطلاب اللي عم يجو من محافظات بعيده م بيكفي السفر والشنططه .. لسا لازم نطالبون بمستوى اعلى من اللغه ؟؟ طيب ليش ؟؟ مو طالب الشام كمان بحاجة اللغه الفرنسيه بفرنسا ؟؟؟ ولا فيه يحكي شامي هنيك بيفهمو عليه ؟؟؟؟ وطالب دير الزور لهجتو م بتمشي معون ؟؟؟؟؟؟؟؟؟؟ - هي نظرية خريج جامعة أحسن من خريج جامعه تانيه .....أثبتت انا غير صحيحه وقت اللي طلاب الجامعتين يعملو ماجستير مع بعض ... ويتفوق طلاب الجامعه اللي عليا اشارات اتهام بانا أقل مستوى ع طلاب الشام ... وقت طلاب الجامعه اللي عليا اشارات اتهام بيتفوقو بدول تانيه ع طلاب الدوله نفسا !!!!!... ولسا بدنا نضل نحكي انو مستوى الجامعه مو منيح ؟؟؟ - عدا إنو هون القصه مو زابطه لأن الامتحان نفسو ؟؟ بيتقدم عليه الكل ؟؟ بس على فكرة بعتقد انو كل ما كان مستوى اللغة قبل السفر يعني هون احسن كلما كان الوضع افضل لانو الواحد بيختصر وقت و جهد بس كمان مو كل الطلاب عايشة بدمشق طبعا كل م كان مستوى اللغه افضل كل م كان احسن .... بس بظروف بتجبرك تتبع واداوم بدورة لغه بضيعلك نهارك ....... وبترجع ع البيت تحكي عربي .... وامتحان بلا منهاج ومافي منطق ؟ لا الكل بيعرف انو السنه هون بتعادل تلات اشهر هنيك او حتى اقل .... فااطلع لهنيك واعمل دورة لغه ... اختصار حقيقي للوقت .... مو ضل هون سنه تانيه وزميلي اللي بالشام وجايب نفس علامتي يطلع لهنيك ويعمل دورات لغه هنيك ؟؟ وفهمت انو من السنه الجايه رح ياخدو هالشي بالاعتبار ورح يصير المعيد يخضع لدورة لغه هون ست اشهر ويطلع ست اشهر ع فرنسا يكمل ... ويكون مطالب بمستوى a2 .. وهاد منطقي اكتر .. بتوقع ممكن تجيب حتى b1 بس اكتر من هيك بسوريا ؟؟؟ بس راحت علينا نحنا ...... لان هالشي رح يطبق السنه الجايه انا عملت فحص الديلف و لقيتو اقوى من الـtcf يعني بقيس القدرة بشكل افضل بس بالمقابل Tcf بيضل اسهل نوعا ما و اقل استهلاك للأعصاب اي الديلف اقوى وافضل بس لسا المستوى b2 فيه مستحيل اكتر بالنسبه لمعيد اختصاصو مو فرنسي .... يعني اللي عم يوصل لهالمستوى اما اختصاص فرنسي وبعد عزاب ... او كم شخص متفوق باللغه ولو انو مو اختصاصو بس هدول الاشخاص نادرين .. وبينعدوو ...ع مستوى سوريا --- اذا دورة اللغه بالشام أحسن فهاد من حسن حظون _ اذا افترضنا هالشي لان اانا م بعرف _ لازم يجيبو علامه اعلى ...... مو نحنا اللي دورتنا سيئه ... ومضطرين انداوم ... يعني كل علامه منجيبا بترجع للجهد الشخصي بس ... لسا لازم نجيب اكتر منون ؟؟؟بنفس الامتحان يعني نفس الاسئله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وين المنطق بهالحكي ؟؟؟ - عدا انو محافظتي م فينا نعتبرا محافظه نائيه ....... محافظة اللاذقيه ... !!! بتمنى التوفيق للجميع و أنا جاهز لأي مساعدة باللغة. وأنا كمان بدوري بتمنى التوفيق للكل ... وأكيد بس احتاج مساعده باللغه رح اسألك زميل نصر ... شكرا إلك 
__________________
مــــا أروع أن تكون انسـان ...... التعديل الأخير تم بواسطة : براءه بتاريخ 04-26-2010 الساعة 02:46 PM.
|
|
#5
04-27-2010, 08:12 AM
|
|||
|
|||
|
زميلتي
حضرتك فهمتي النقطة الأولى بشكل معاكس تماما للي كنت بدي قولو...انا بطالب انو الطلاب اللي جامعتهن بالشام يكونو مطالبين بمجموع اعلى من بقية المحافظات و بالمرتبة التالية حلب (لانو فيهن مراكز معتمدة) ومن بعدها المحافظات الباقية و كلما بعدت المحافظة (تعليميا و جغرافيا عن مناطق التدريس) يكون مجموعها اسهل...صورة زميل طالب من دير الزور بفحص الديلف ماثلة امام عيوني يا حرام بدو لينزل و يطلع شي 14-16 ساعة ماعدا الفحص... بكل الود
|
|
#6
05-04-2010, 12:35 PM
|
|||
|
|||
|
بشكرك أخ فكتور .....
أنا فعلا هيك فهمت بالاول وكتير استغربت .... بس لمن عم احكي لزملائي .... طلع رأيون من رأيك بس باللي بتقصدو..... وشرحولي انو قصدك العكس تماما .... هيك اختلف الوضع ....... يعطيك العافيه
__________________
مــــا أروع أن تكون انسـان ......
|
|
#7
05-04-2010, 05:19 PM
|
|||
|
|||
|
مرحبا جميعا
كتير حلو الشي اللي عملو السيد الوزير , وبنتمنى انو يكون حقيقي على ارض الوقع وفعلا يصير تسهيل لموضوع الفيزا لانو صارت الفيزا شبح بيرافق اي معيد بدو يسافر على فرنسا, وكان كابوس عشنا فيه انا ورفقاتي ورفعنا شكاوى وكتب كتير للوزارة , والحمد لله انو الوزارة اخدت خطوة للأمام بموضوع تسهيل الفيز صحيح نحنا ما استفدنا من هالشي بس الحمد لله انحلت و أكيد الطلاب اللي رح يجو رح يستفديو طبعا بيبقى امتحان ال tcf واللي هو بدون شك لا يتعتبر تقييم حقيقي لقدرات الطالب باللغة وفعلا هالمستوى المطلوب ظالم , بتمنى للجميع يتجاوزو عقبة اللغة بس رغم هيك لازم تطالبو الوزارة وتشرحولها انو هالمستوى صعب الحصول عليه وأكيد كمان الوزارة رح تتحرك بهالخصوص وبتمنى التوفيق للجميع
__________________
كن مع الله ولا تبالي apres la pluie , le beau temps
|
 |
| أدوات الموضوع | |
| طرق مشاهدة الموضوع | |
|
|
|
الساعة الآن: 10:49 PM |
تركيب: T.M
العرض العادي
